Byrjaði á túr seinni partinn í gær og voru liðnar akkúrat fjórar vikur frá því ég byrjaði síðast. Rennslið var fremur lítið (eins og síðast) en í morgun fór allt á fullt með tilheyrandi verkjum og látum...

Síðasta primolut-taflan í þessum mánuði tekin inn. MIKIÐ ER ÉG FEGIN!

Enn með smá bjúg en samt næ ég hringnum af mér. Þarf helst að hvíla mig á kvöldin, en hver má vera að því?

Ég þarf svo að passa mig þessa dagana, bæði á kaffinu og stjórnleysinu gagnvart "átfíkninni" (og það er helst á kvöldin)! Tók inn áttundu töfluna af tíu í morgun og ég verð víst að sætta mig við að ég er með meiri bjúg og viðkvæmari á meðan á inntöku-dögunum stendur. Samt næ ég orðið að taka giftingahringinn af fingrinum núna það hef ég ekki getað í nokkra mánuði!!!

Alltof mikið kaffiþamb í dag. Fékk svimakast í hádeginu akkúrat þegar ég sat og var að borða kjötsúpuna...

Ég er viðkvæmari í maganum þessa dagana og bjúgurinn er heldur meiri. Getur verið að þetta sé allt PRIMOLUT-töflunum að kenna (þakka:-( ???)

Fékk mér kaffi hjá Helgu í gærkvöldi. Tafla tvö í morgun. Svimakast á leiðinni í vinnunna....

Í dag byrjaði ég á fyrstu primolut-töflu skammti mánaðarins.

Jibbí, blæðingarnar kláruðust alveg á föstudaginn. Sex dagar eru mikið skárri heldur en 9-10 dagar. En nú þarf ég bara að drífa í að skrifa Jens skýrslu.

Gleymdi að taka inn hormónana í gærkvöldi. Bætti úr því strax í morgun. Blæðingarnar virðast vera á undanhaldi og er það vel. Ég verð ánægð ef þær verða búnar fyrir helgina!

Á sunnudag og mánudag var frekar mikið streymi. Það var minna í gær og lítið í dag og er ég að vona að þetta klárist bara fyrir helgina!

Seinni partinn í gær byrjuðu (frekar smátt/rólega) "fyrstu blæðingar eftir hormónabreytingar", rétt um sex vikum eftir að ég byrjaði á síðustu blæðingum. Nú er bara að sjá hvað þær standa yfir í marga daga.

Tók inn síðustu töfluna af primolut í morgun og sá þá að ég hafði gleymt progynon-töflunni í gærkvöldi. Bætti úr því snarlega. Nú er bara að bíða og sjá hvað gerist næstu 10 daga eða svo...

Áttundi (af tíu) dagur í dag. Hef aðeins fundið fyrir kviðarholsstingjum. Hvort þetta eru bara vindverkir eða túrverkir er ég ekki alveg viss um. Vigtaði mig sl. sunnudag og er um 84 kg. Takmarkið er a.m.k. 6-8 kg í viðbót...

Borðaði í gær: síðdegi, vatn og risahrísköku með kæfu. Kvöldmatur hjá Helgu og Ingva, hakkpottréttur með lauk, papriku, sveppum og tómat. Um kvöldið stalst ég aðeins í ostana hans Davíðs. Háttaði fyrir tíu og náði rétt að lesa tvær smásögur. Ætlaði varla að nenna á fætur í morgun en var komin inn á bað tuttugu mínútum fyrir sjö og fór beint í sturtu. Morgunmatur, speltrúsínubrauð og hrískaka með sardínum, smá kaffi og vatn. (Fékk svimakast á leiðinni í vinnuna). Í tíukaffinu fékk ég mér te og hrísbrauðssamloku með sardínum. Í hádeginu var hrein hrært skyr með fræjum og ósykruðu musli á matseðlinum mínum. Mun fá mér rúsínubrauð með kæfu í þrjúkaffinu, elda svínagúllaspottrétt í kvöldmatinn og svo veit ég ekki hvað ég fæ mér í saumakortaklúbbnum hjá Sonju í kvöld.

Í morgun byrjaði ég á Primolut-töflunum og mun ég taka eina á dag í tíu daga. Ég er svolítið stressuð yfir þessu en veit þó af því að ég þarf að vera vakandi gagnvart lystinni og í hvað ég sæki! Fékk mér litla jógúrt og te í morgun, risahrísköku með sardínum í tíu kaffinu og afgang af kjötbollum og sallati frá því í gærkvöldið í hádeginu.

Ég ætti eiginlega að vera dugleg að skrá niður hvað ég læt ofan í mig dags daglega. Það er nokkuð ljóst að þarmarnir eru ekki alveg í jafnvægi svo það er eins gott að passa sig á sykrinum. Nú er ég búin að taka inn 12 töflur, þá þrettándu tek ég inn í kvöld. Útferðin er nokkur en ég er samt að þrjóskast við og nota ekki enn svona nærju-hlífar. Andlega jafnvægið er meira en samt ekki alltof gott á köflum. Þolinmæðis-þröskuldurinn virðist þó hafa hækkað eitthvað.

Smá forsaga

Ég geng fyrir hormónum og hef gert það sl. 17 ár eða svo. Fyrst var það pillan; eugynon og triquilar, en fljótlega upp úr tvítugu annars konar hormónar;
primolut, trisekvens forte og nuelle.

hætti 22. sept og byrjaði jafnframt á síðustu blæðingum þeirra hormóna (nuelle). Þetta var á mánudegi og ég var ánægð með að byrja svona "seint", það var oftar sem ég var byrjuð um helgina og jafnvel á föstudeginum. (Gæti náttúrulega tengst mataræðinu). Hreinsun tók engu að síður 9-10 daga og það er það sem mér finnst of mikið og langur tími.

Byrjaði á nýrri tegund 6. okt. Progynon. Tek inn "lyfið" á kvöldin og núna átta dögum seinna finn ég aðeins fyrir aukinni útferð... Mér finnst samt erfitt að gera mér grein fyrir ástandi líkamans og líklega kemur margt þar inn í.....