Virðist vera orðin eins og klukka. Blæðingar byrja alltaf á sama tíma. Byrjuðu í smáum stíl seinni partinn í gær. Og nú er bara að vona að þær verði búnar fyrir næstu helgi.

Áttundi dagur af tíu á Primolut. Rennur á mig bjúgur en festi samt hringinn orðið sjaldan á fingrinum.

Jæja, dagur tvö af tíu. Hafði ekki tíma til að fá mér morgunmat í morgun, óskiljanlegt alveg því ég fór á fætur fyrir sjö. En nú er maginn að kalla á eitthvað. Fæ mér bara vatn þar til ég kemst í kaffi.....

Á morgun tek ég inn fyrstu töfluna af Primolut í þessum mánuði. Ég hlakka ekki til næstu tíu daga.....

Nú styttist í inntöku primolut aftur. Ég hlakka ekki til. Bjúgurinn verður meiri og erfiðara að eiga við þessa sterku löngun í eitthvað sætt sem heltekur mann stundum....

Hvað er að gerast núna, líklega á ég ekki að skrifa um knúsið....???

Blæðingar í rénun, hélt jafnvel að þær væru alveg búnar en svo var ekki. Klárast vonandi á morgun.

Streymið virðist heldur meira en síðast, ég bíð bara og vona að allt verði búið fyrir helgina!

Byrjaði á túr seinni partinn í gær og voru liðnar akkúrat fjórar vikur frá því ég byrjaði síðast. Rennslið var fremur lítið (eins og síðast) en í morgun fór allt á fullt með tilheyrandi verkjum og látum...

Síðasta primolut-taflan í þessum mánuði tekin inn. MIKIÐ ER ÉG FEGIN!

Enn með smá bjúg en samt næ ég hringnum af mér. Þarf helst að hvíla mig á kvöldin, en hver má vera að því?

Ég þarf svo að passa mig þessa dagana, bæði á kaffinu og stjórnleysinu gagnvart "átfíkninni" (og það er helst á kvöldin)! Tók inn áttundu töfluna af tíu í morgun og ég verð víst að sætta mig við að ég er með meiri bjúg og viðkvæmari á meðan á inntöku-dögunum stendur. Samt næ ég orðið að taka giftingahringinn af fingrinum núna það hef ég ekki getað í nokkra mánuði!!!

Alltof mikið kaffiþamb í dag. Fékk svimakast í hádeginu akkúrat þegar ég sat og var að borða kjötsúpuna...

Ég er viðkvæmari í maganum þessa dagana og bjúgurinn er heldur meiri. Getur verið að þetta sé allt PRIMOLUT-töflunum að kenna (þakka:-( ???)

Fékk mér kaffi hjá Helgu í gærkvöldi. Tafla tvö í morgun. Svimakast á leiðinni í vinnunna....

Í dag byrjaði ég á fyrstu primolut-töflu skammti mánaðarins.

Jibbí, blæðingarnar kláruðust alveg á föstudaginn. Sex dagar eru mikið skárri heldur en 9-10 dagar. En nú þarf ég bara að drífa í að skrifa Jens skýrslu.

Gleymdi að taka inn hormónana í gærkvöldi. Bætti úr því strax í morgun. Blæðingarnar virðast vera á undanhaldi og er það vel. Ég verð ánægð ef þær verða búnar fyrir helgina!

Á sunnudag og mánudag var frekar mikið streymi. Það var minna í gær og lítið í dag og er ég að vona að þetta klárist bara fyrir helgina!

Seinni partinn í gær byrjuðu (frekar smátt/rólega) "fyrstu blæðingar eftir hormónabreytingar", rétt um sex vikum eftir að ég byrjaði á síðustu blæðingum. Nú er bara að sjá hvað þær standa yfir í marga daga.